Среда, 16.01.2019, 06:28
Приветствую Вас, Гость
Главная » Файлы » Мокшанский сундучок » Поэтический альбом

А.А.Громыхин
26.04.2014, 20:48

             МАРЛЮНЯ                                             ОН

Лотконя шувонь крхканя,                             Шеерсь лефксонц сюдеряй:

Марлюня озафтонь фкяня.                          -- Аф удат мес тон, идняй?

Катк сон касы,                                            --Пелян, тядяй, катонясь

Виензай!                                                       Онцтон цопадемон  сай.

Марьнят максы -                                         

Пинге сай.

 

                                       ПАНЖАМ

                 Панжамня, тят нюрьксе стак.

                 Эрька маланязон сак!

                 Таратт каннетяма --пуд!

                 Эздост строятама куд!

                 Тейнек тянкса сюконяйхть,

                 Пялонк эрямонга сайхть.

Анатолий ТЯПАЕВ

                           *****************************************

                 ВИРНЯЗЕ

Сань тага пижелды вирнязон.

Чильнясть и лиендсть вельхкссон нармотть.

И нармонькс монга марянь прязень,

Шять, лацост лиендема карман.

          Вирнясон лиендида лама:

          Пьзгатат, вирень сараст, чавкат,

          И коза тяса тон тят вана,

          Муят эстейть инь пара ялгат.

И нумолсь лоткась, ванонды,

Кать-мезе ёрай кизефтемс.

Цифназня лефкскя валгонды

Шуфтть пряста варсинь пизоста.

           Вирнясон эряйхть нармоттне,

           И нумолхне, и панжапне.

           Тят арьсе мезьге каршезост,

            А лезтта эрямс кажнайти.

Вирнязон сань...Вов келунят,

Эрь шуфтонять ваксс лоткан.

Синь перьфкаст лиендсть мелавнят,

Ну кода вертолёткат.

                             М. М. КОВНИН

Сась илядсь, и парконь такор янга

Якан савор, сизефть шукиян.

Ушесь кепси оцю эрьгя санган,

Стяда мяштьса кожфкять нилендян.

             Вельхксон тялось акша панчфкат ёряй,

                 Модась, мярьгат, венцям паля щай.

             Тейне -арам, вакссон келу морай,

              И тя морось седизон сувай.

             **********************************************   

ЁНЕНЬ АЗЫ                                                                                      ТУВА

Корхтай тувось:                                                                                  Тувось карденяста лиссь,

---Тувоня!                                                                                             Ярхцась танцти церяда.

Мезьда пелят,                                                                                   "Хрю, хрю. Тячи цебярь шись,

Шава пря?                                                                                           Работамска эряви..."

Кда рдазти аф суват,                                                Перяфкснень сон срафтозень,

Эста мезень тон туват?                                           Шувозень шурьхкятнень

                                А.ЕЖОВ                                        И парникнень штафтозень,

                                                                                         Соказень пурьхкятнень.

                                                                                                     Иможкснень лочазень,

                                                                                                             Тапазень куярхнень.

                                                                                  Сяльде марнек ётазень

                                                                                  Путф од модамарьзнень.

                                                              "Хрю, хрю. якстеряпсне лядсть?

                                                              Саты.Кадан вазти..."

                                                              И сон пара мяльса мадсь

                                                               Калдаз бокса рдазти.

                                                                                          Е.ТИМОШКИН

            ТЯДЯЗТИ                                                  ********************************

Рисовандан панчфкат мон,                        Сась тундась - мазы стирсь,

Розанят и маконят.                                     Сргозсь ляйнясь, сргозсь вирсь.

Казьсайне синь тядязти,                            Ацавсть панчфса панда прятне,

Тядязе монь тяконя!                                   Кенярдсть лямботи иднятне.

Эрятама кафонек,                                            Ирина Видясова

Эрятама ладязня.

Ульхть шумбраня, павазу,

Кельгомнязе - тядязе!

                 Алина Рогалёнкова                            ПАЧАТ

Кизонясь вов ётась,                               Рана шобдава сниян,

Пинге молемс школав.                           Кудонь тевнятка тиян.

Вармась лопат прафни,                         Мон пидян тейть стама пачат,

Менельть тюсоц олаф.                           Содак, браткяй, весть аф вачат.

Кизоть мельге кельгозь                         Уды тядязень аф стяфтса,-

И ужяльдезь ванан,                                 Пачань пидемаса сафтса.

Козя сёксеть ширде                                            В.КОРЧЕГАНОВ

Мазыши мон анан.

           Лена СОКОРОВА

 

                  ПИЧЕ

-Кизоньберьф тон пиженят.

Тялонданга кизоннят.

Кяжи якшамда аф пелят,

Вишке вармаста аф велят.

Мезьса вийце, азка, эрь?!-

Пичети весть кусторкссь мярьгсь.

Шуфтсь:- Мон сянкса вииян,

Шить мес ялганякс тиян.

          В,КОРЧЕГАНОВ

Сёксесь сась, и равчкодсь менельсь.

Прянц аф няфнесы шинясь.

Пиземсь валы апак сизек,

Ёфси ордашкодсь ульцясь.

Панчфонь палянц каясь кизось,

Нармонь мора аф кулят.

Шава лядсь крьхтяксонь пизось,

Ащи келусь нолдаф прят.

                                  Настя Лискина

   КИЕ ЧАКАЙ? (КТО СТУЧИТСЯ)?

                  Кие веть ульцява якай,

                  Чакай шуфттнень-цят да цят?!

                   Ся аф узерь шовса чакайхть-

                   Тялось сргозьфти ульцят.

                  Тоса панчфкат, шуфтонят.

                  Сятнень чакамаснон пели:

                  Чакак-цингоргодыхть сят.

                                                 В,КОРЧЕГАНОВ

 

 

 

 

             

Категория: Поэтический альбом | Добавил: НЕлена
Просмотров: 901 | Загрузок: 0 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]