Среда, 16.01.2019, 06:28
Приветствую Вас, Гость
Главная » Файлы » Мокшанский сундучок » Поэтический альбом

Иван Кудашкин. Шачем крайняй, атянь-авань мастор.
21.02.2014, 20:50
Шачем крайняй,

Атянь-авань мастор,
Седити петьф сетьме уженяй,
Пизепне Тонь кепсихть 
Пиже кашторф.
Парьхциса щаф лаймотне 
Перьф стяйхть

Шачем крайняй, 
Лажатфтыень васта,
Содатядязь аф стак 
Сембе Тонь.
Ватт, мзяра стирь 
И цёра касфтоть, 
Анелять мзяра 
Валда ёнь.

Ётксост синь поэтт 
И композиторхт,
Сёронь касфнихть,
Воитт и артистт.
Атясна, сят содазь 
Крандаз читорфть,
Эрь, а нят –
Мянь ковти таргайхть кит.

Аф стак лемснон 
Кунцесаськ минь кельгозь, 
Няфнесаськ аф виздезь, 
Мезе тисть,
И аф сёпсаськ,
Касонттама вельдест, 
Тифстост сембе 
Ушетксоньке лисьфт.

Шачем крайняй,
Ару лихтибряняй, 
Атянь-авань 
Мазы уженяй, 
Масторлангса 
Тяконяй и фкяняй, 
Лажатфкаса ваймозе 
Тейть шяйф.

Категория: Поэтический альбом | Добавил: Админ
Просмотров: 1244 | Загрузок: 0 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]