Среда, 16.01.2019, 06:28
Приветствую Вас, Гость
Главная » Файлы » Мокшанский сундучок » Поэтический альбом

С.А.Самошкин
31.05.2014, 20:12

    СУРОНЬ ПАЧАТ

Тон ёрасамак андомс пачада

И озафтсамак моркшцень ваксс,

Хуш содасак, што мон аф вачедан, -

Аф мярьги ваймоце лиякс.

Эх, акша паля мокшень аванят,

Тинь кие тевонтень аф шнай!

И коентень, вдь кие аф сувай,

Аф нолдасасть сонь апак каваняк.

Панчфт келес кудонь кенкшне инжинди,

Киякска налхкси - комотни шинясь,

И шобдаваста шары, шары - лиенди,

Пси пачань танцти - ваи шиненясь.

                        СОЛАФ ЛОВ

Ков аф ванат - лов и лов.

Модать вельхтязе крхкаста.

Эняльдема мольхть хоть ков,

Тейть аф няфтихть штада васта.

Садса лов, ульцяса лов.

Мярьгат, акша келе ацасть,

Ловонь куттне сатсазь ковть,

Марафт кельгозь, машты кядьса.

А инь цебярь кудсь - дворецсь

Якшам атять. Тевоц сяка:

Тяса сон и шить  веть

Ванфтсы ловть. Шуфтсь - столбас чакай.

Но весть варьхмодема ёткть

Сась тундась псьмаронь морса,

Якшам атясь эста вчёк

Сизефоль и удось корфса.

                     СИДЕ МОРОНЯТ (ЧАСТУШКИ)

Минь кштитяма-моратама

Тячи ялгань келеса.

Лацонк весяла стирнят

Аяш лия велеса.

                                              Ялганядон лама-лама,

                                              Ожука лувсайне:

                                              Петя, Коля, Шура, Ваня,

                                              Ветецеть юкстайне.

Тямак сюце, тятядяняй,

Тевнятнень тисайне,

Пизоняста алнятнень

Базарса мисайне.

                                                Веленязе оцю, оцю,

                                                Кучкасонза лотка.

                                                Ванянь кядьсонза гармошка,

                                                Прясонза гармошка.

                                              

 

 

  

Категория: Поэтический альбом | Добавил: НЕлена
Просмотров: 1039 | Загрузок: 0 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]