Среда, 16.01.2019, 07:40
Приветствую Вас, Гость
Главная » Файлы » Мокшанский сундучок » Поэтический альбом

СТИХИ О МАМЕ
08.10.2016, 21:03

МОНЬ ТЯДЯЗЕ

Мон тядязень кельгса,

Мон тядязень шнаса,

Монь тядязень лаца

Аш ломань лияса.

             Сон книганят рамай

             И марса луфтама.

             А сяльде работама

            Пери тутама.

 Минь тядязень мархта

Фалу - фалу марса.

Сон прянязень понай,

Мон паласа тянкса.

**********************************************************************************************

Тядязти

Тядянязе, тяконяй!

Лямбоняста щайняй.

Пяле веста мадыняй,

Шинять мархта стяйняй,

Павазуван - вакссонат,

Киндинге аф макссамак.

Тейне ёфкскат азондат,

Лямбоняцень казендят.

Эняльдян мон Шкайняти;

"Эряк шумбрашиса,

Вакска ётнест пичефксне,

Эряфонь тя киса".

*******************************************************************************************************                      Тячи тонь илаце                                

Инь мазы панчфкять тядязенди казьса,

Инь лямбе валнять тяконязти азса.

Инь кайги мороть лемозонза моран,

Сонь мяленц петемс седишкава ёран,

Тундась катк максы тядязенди эрьгя,

А Шкайнясь оцю паваз кучи вярде.

Аш масторлангса ломань сяда мала,

Мон кельгозь, тядяй, щёканяцень палан.

Ульцяса мани. Ловнясь савор солай,

Катк кивок тячи мяльняцень аф колай,

Сась мартсь, и тячи, тядяй, тонь илаце,

И вакссот тага кельгома стирняце.

                                     ВЕРА БРЫНДИНА

**********************************************************************************************

Тядяняй! Мон сёрмадан тейть стих!

И азан лемозт лама пара валда.

катк тонь иластот сембе морайхть - кштийхть,

Катк эряфонь киняце ули валда.

 Катк кучи Шкайнясь кеме шумбраши,

И аньцек паваз казенди най эряфсь.

Катк шрацень лангса ули сал и кши,

А оцю козяшись тейть афи эрявсь.

 Тон сембе кальдявть, тядяй, юкстак,

Шинясь катк вярде валдопни кудняцень.

И фалу содак - касфтомайть вф стак,

Най инксот пичеди тонь цёраце - идняце.

(автор. Николай Болотов)

Категория: Поэтический альбом | Добавил: НЕлена
Просмотров: 475 | Загрузок: 0 | Рейтинг: 2.0/1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]