Среда, 16.01.2019, 07:19
Приветствую Вас, Гость
Главная » Файлы » Мокшанский сундучок » Поэтический альбом

стихи о весне
25.05.2016, 21:13

ШАДА

Сась тундась, и ловнясь солась,

Марнек акша тюсоц олась.

Шуди шадось седнять вельф,

Тиендсь яннят велеть перьф.

валом шашты эчке эйсь,

Штафтсы шаманц Исса ляйсь.

Сембонь стяфтозень тундась,

Сембе масторсь тевс кундась.

                                      Наталья ЧУМБАЕВА

Сась тундась, сась тундась!

Перьфпяльсь сргозсь, эреклась.

Нармоннятне меки лиихть,

Тарадкаста пизот тиихть.

           Шабатневок лездыхть теест-

           Ярхцамбяльне кудста кандсть:

           Каясть тозер, каясть ямкст,

           Топодемс псьмархнень андсть.        АРТЁМ ПИВКИН

 

***********************************************************************************************

ТУНДАНЬ ТАНЬФ

 Эх и тюста лама тяса,

Панжи - пижелды лугаса.

Мес, шта, тяфтама лугась?

Да вдь пялонк сась тундась!

Сяс инь ёмла-ёмла панчфкясь

Нолдась перьфкаванза таньфкя.

Таньфта лама. Шять, лугась

Таньфу таньфонь панар щась.

                         ТУНДАСЬ И КИЗОСЬ

Ватта, ведьта кандсь тундась!

Симомац пяк, маряк, сась.

Сими ши. И сими ве.

Симоманцты аяш пе!

Пиземсь пизезе тундать,

Ведьта топафтозе, нарть,

И плманжа лангс тундась

Мани кизоть каршес прась.         АНАТОЛИЙ ЕЖОВ

++++++++++++++++++++++++++++++++++++++++++++++++++++++++++++++++

Мезе няян - сась тундась!

Эжди лямбоняста шинясь.

Курок панжи акша паймось,

Кенярди тундаит ваймось.

++++++++++++++++++++++++++++++++++++++++++++++++++++++++++++++++

Кельгса мани, лямбе ушеть,

Мзярда рана стяй шинясь.

Паксянь тефневок ни ушедсть,

Лама тевда кандсь тундась

++++++++++++++++++++++++++++++++++++++++++++++++++++++++++++++++

Тундась шаронды малава,

Канни лямбе шинят.

Шинясь варжаксни вальмава,

Косьфни яннят - кинят.

Келусь вальмала наряжай -

Пиже палянц ни щась.

Мазы пильксса сонь казезе

Ламос учсеф тундась.

++++++++++++++++++++++++++++++++++++++++++++++++++++++++++++++++

 

Категория: Поэтический альбом | Добавил: НЕлена
Просмотров: 542 | Загрузок: 0 | Рейтинг: 1.0/1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]