Среда, 16.01.2019, 06:36
Приветствую Вас, Гость
Главная » Файлы » Мокшанский сундучок » Поэтический альбом

СТИХИ О ВОЙНЕ
07.05.2016, 18:47

ЛЯТФНИХТЬ ОБЕЛИСКНЕ

Тусть ни ичкози ся шитне,

Ётасть пичедезь - ризназь,

Братскяй калмонь обелискне

Лятфнихть колгаст аньцек най.

Удыхть шавф Геройхне алост,

Калма марснон лангса панчфт.

Кда ётат сяда малав,

Няят ризфу лама ванф.

А перьфпяле эряфсь лакай:

Жойняйхть серот, сатт и вирьхть...

Сянкса аляньке бойс якасть,

Штоба панжель шачем ширсь!

 

ТАШТА ФОТОСНИМКА

И тага сявсы

       фотостимкать тядясь,

Аф весть ни

       сельмоведьса штафть.

Трнатыхть лафча

        сире кяденза

И шаржу - шаржу шура 

         шяярть прянц.

И тядять олаф

        сельмованфоц прафтови

Эсь колма

  цёранянзон ликснон лангс.

Войнаса шавфнень -

               колма браттнень---

Фкя - фкада аерфтозень

                        куломась

Но тядянь седись стаки

                       учи эсост,

Най ванфни тядясь

        позанянди рость...

Путь -путь! -

                фототь лангс

тядянь сельмоветтне.

И мярьгат, тяфта

                    аврди фотось.

              Владимир КОРЧЕГАНОВ

ЩЯТЕЗЕ

Щятезе монь - фронтовик!

Пиндолдыхть медаленза.

Кизонда каникуласта

Якатама пялонза.    Рая ОРЛОВА

 АРТУР МОРО

                                  ВЕТЕРАН 

Сон ётась ниле войнань пачк,

И кулсесь сон аф весть,

Но тага стяшендсь -

Верса начкф,

Да вача сяконьбес.

     Солдат сон ульсь,

     Сон сталмот кандсь,-

     Изь сода сиземанц.

     И масторонц -Россиять ванць,

     Мянь изь ужяля прянц.

А кизонза сонь

Мольсть и мольсть,

И атяскодсь солдатсь,

Но седисонза сяка толсь

И сяка псись илядсь.

   Сон мархтонк шиса-тевса прокс

    Изь нолда шаржу прянц.

    И соньцке няеви сон одкс,

    Мес лемоц -

               ВЕТЕРАН!

  СИРЕ ТАНКИСТТ

Лятфнеть эряфцень мзярда

(Куломозт ванфкасот сон стяй).

Толбачк танкаса тон ардат,

Танкать бокоц толти шяйф,

Ведьге, карафува ётнят-

Терди инголи приказсь:

Машфтомс толса доттнень,

Лисемс сяськомань кибряс.

Тяни аф кульсаськ Победать,

Тяни вастозт састь лият,

Но аф юкстасазь тяни синьге:

Ётать лама толу ятт.

                                    Владимир Корчеганов

 

Категория: Поэтический альбом | Добавил: НЕлена
Просмотров: 481 | Загрузок: 0 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]