Среда, 16.01.2019, 06:33
Приветствую Вас, Гость
Главная » Файлы » Мокшанский сундучок » Поэтический альбом

стихи о зиме
09.01.2016, 18:06

МОРОЗ АТЯ

Мороз атясь вазенц путсь,

Карксазе од оронц.

Эрь проулкась и эрь кудсь

Кульсы атять моронц:

--  -Кандан сянгяря кузнят,

 Шабатненди казнет,

     Сада малазон, иднят,

         Ванды ули праздник!    

М. Ташкаев

*************************************************************************************************

УЧЕВСЬ ТЯЛОНЯСЬ

Учевсь тялось, тялонясь,

Акша ловня прась.

Идень куду Якшам Атясь

Казне мархта сась.

Эхи кенярдсть шабатне,

Морасть морот, кштисть,

Кельме ширдень инжити

Синьге казне тисть.

******************************************************************************************************

АРУ ЛОВНЯ

Ару ловня, ляпоня,

Сяда курок прак.

Масторть акша скатертьса

Ацамонза сак!

Ацазень лугатнень,

Паксятнень и вирьхнень,

Ловнясь акшептозе марнек

Шачем-касом крайть.

**************************************************************************************************

ТЯЛА

Тяла! Тялоня!

Куттнень прява

Акша вазьнят касть.

Келунятненди---

Лешень щальхть,

Тейнек--ловонь

Оцю фальхть!

****************************************************************************************************

Тялось сась!Тялось сась!

Менельста од ловня прась!

Панда пряста курькснихть шабат,

Марса тиихть ловонь бабат.

Куду ламос аф сувайхть,

Кельме тялоть эса шнайхть,

Кемокстась пильгала эйсь,

Кельговсь иттненди хоккейсь.

********************************************************************************************************

Тон шумбрат, шумбрат, кузня,

Учсетядезь ни кунара.

 Тонь щамце пиженя

Кельговикс и пара!

*******************************************************************************************************

ТЯЛОНДА

Якшамсь якай  кяпоня,

Ловнясь вдь пяк ляпоня,

Вяшкозь якшамсь лиенди,

Пандонят, няк, тиенди.

Вармав порфса шарыня,

Ловце хуш и ляпоня,

Пелян якамс кяпоня.

В.КОРЧЕГАНОВ

*******************************************************************************************************

Тячи акша ловнясь прась,

Ожуда-ка, ванца,

Виде, тялось инжикс сась,

Од рьвяня лаца.

Равжа моданять сон кяшсь,

Вельхтязень кудбрятнень.

Тялось сери панда пряв

Тердезень иднятнень.

*******************************************************************************************************

ВЕРА БРЫНДИНА

Вирьса ловнясь ляпоня,

Ласьки нумолсь кяпоня.

Сон и сей, и тов юпади,

Пильгокинзон ловти кады.

Кяши - кивок сонь аф мусы,

Араласы акша тюсоц.

____________________________________________________________

Учевсь  тялонясь

Учевсь тялонясь тялонясь,

Ловнясь прай и прай.

Ляпе акша орняса

Шуфтонятнень щай.

Удыхть танцти онняса

Паксясь, ляйсь и вирсь.

Кенярдсть тялоть саманцты

Марнек шачем ширсь.

_______________________________________________________________

Вармась пяльди, вармась суви,

Мярьгат, мезецка аф муви.

Ялгакс тялоти сон арась,

Марса ловонь чушмот марасть.

Вармась тоса, вармась тяса,

Вяшки бабазень трубаса.

Аш сонь нолдаец кенкш лангс,

Сяс ульцяса эряй фланкс.

****************************************************************************************************

Михаил Имяреков

АРУ ЛОВНЯ

Ару ловонь коволня,

Сяда курок сак,

Масторть ланга саворне

Ляпе ацамкс прак.

Ацазень луганятнень,

Паксятнень и вирть,

Акшептозень - вельхтязе

Шачем -касом ширть.

Тялонясь сась азорнякс,

Фатни шалхка пес.

Сембе корхтайхть: "Кяжиясь

Якшамсь кати - мес".

++++++++++++++++++++++++++++++++++++++++++++++++++++++++++++++++

 

 

Категория: Поэтический альбом | Добавил: НЕлена
Просмотров: 804 | Загрузок: 0 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]